โส สาคเร ชลธิกํ รุหิรํ อทาสิ, ภูมาปราชิย สมํสมทาสิ ทานํ; เมรุปฺปมาณมธิกญฺจ สโมฬิสีสํ, เข ตารกาธิกตรํ นยนํ อทาสิฯ คพฺโภกฺกนฺติทีปนีคาถา คมฺภีรปานทานาทิสาคเรสุ หิ ถามสา; ตรนฺโต มทฺทิทาเนน นิฏฺฐาเปตฺวาน ปารมีฯ วสนฺโต ตุสีเต กาเย โพธิปริปากมาคมฺม; อายาจนาย จ เทวานํ มาตุคพฺภมุปาคมิฯ สโต จ สมฺปชาโน จ มาตุกุจฺฉิมฺหิ โอกฺกมิ; ตสฺส โอกฺกนฺติยํ สพฺพา ทสสหสฺสี ปกมฺปิตฺถฯ ตโต ปุพฺพนิมิตฺตานิ ทฺวตฺติํสานิ ตทา สิยุํ; ตุฏฺฐหฏฺฐา ว สา มาตา ปุตฺตํ ปสฺสติ กุจฺฉิยํฯ วิชายนมงฺคลทีปนีคาถา |